குறள் 981:
கடன்என்ப நல்லவை எல்லாம் கடன்அறிந்துகலைஞர் உரை:
சான்றாண்மை மேற்கொள் பவர்க்கு.
ஆற்ற வேண்டிய கடமைகளை உணர்ந்து, அவற்றைப் பண்பார்ந்த முறையில் நிறைவேற்ற மேற்கொள்ளப்படும் முயற்சிகள் அனைத்தும் நல்ல கடமைகள் என்றே கொள்ளப்படும்.குறள் 982:
குணநலம் சான்றோர் நலனே பிறநலம்கலைஞர் உரை:
எந்நலத்து உள்ளதூஉம் அன்று.
நற்பண்பு ஒன்றே சான்றோர்க்கான அழகாகும். வேறு எந்த அழகும் அழகல்ல.குறள் 983:
அன்புநாண் ஒப்புரவு கண்ணோட்டம் வாய்மையொடுகலைஞர் உரை:
ஐந்துசால் ஊன்றிய தூண்.
அன்பு கொள்ளுதல், பழிபுரிந்திட நாணுதல், உலக ஒழுக்கம் போற்றுதல், இரக்கச் செயலாற்றுதல், வாய்மை கடைப்பிடித்தல் ஆகிய ஐந்தும் சான்றாண்மையைத் தாங்கும் தூண்களாகும்.குறள் 984:
கொல்லா நலத்தது நோன்மை பிறர்தீமைகலைஞர் உரை:
சொல்லா நலத்தது சால்பு.
உயிரைக் கொல்லாத அறத்தை அடிப்படையாகக் கொண்டது நோன்பு. பிறர் செய்யும் தீமையைச் சுட்டிக் சொல்லாத பண்பைக் குறிப்பது சால்பு.குறள் 985:
ஆற்றுவார் ஆற்றல் பணிதல் அதுசான்றோர்கலைஞர் உரை:
மாற்றாரை மாற்றும் படை.
ஆணவமின்றிப் பணிவுடன் நடத்தலே, ஆற்றலாளரின் ஆற்றல் என்பதால் அதுவே பகைமையை மாற்றுகின்ற படையாகச் சான்றோர்க்கு அமைவதாகும்.குறள் 986:
சால்பிற்குக் கட்டளை யாதெனின் தோல்விகலைஞர் உரை:
துலையல்லார் கண்ணும் கொளல்.
சமநிலையில் இல்லாதவர்களால் தனக்கு ஏற்படும் தோல்வியைக்கூட ஒப்புக் கொள்ளும் மனப்பக்குவம்தான் ஒருவரின் மேன்மைக்கு உரைகல்லாகும்.குறள் 987:
இன்னாசெய் தார்க்கும் இனியவே செய்யாக்கால்கலைஞர் உரை:
என்ன பயத்ததோ சால்பு.
தமக்குத் தீமை செய்வதற்கும் திரும்ப நன்மை செய்யாமல் விட்டுவிட்டால் சான்றாண்மை எனும் நல்ல பண்பு இருந்தும் அதனால் என்ன பயன்?.குறள் 988:
இன்மை ஒருவற்கு இனிவன்று சால்பென்னும்கலைஞர் உரை:
திண்மைஉண் டாகப் பெறின்.
சால்பு என்கிற உறுதியைச் செல்வமெனக் கொண்டவருக்கு வறுமை என்பது இழிவு தரக் கூடியதல்ல.குறள் 989:
ஊழி பெயரினும் தாம்பெயரார் சான்றாண்மைக்குகலைஞர் உரை:
ஆழி எனப்படு வார்.
தமக்குரிய கடமைகளைக் கண்ணியத்துடன் ஆற்றுகின்ற சான்றோர் எல்லாக் கடல்களும் தடம் புரண்டு மாறுகின்ற ஊழிக்காலம் ஏற்பட்டாலும்கூடத், தம்நிலை மாறாத கடலாகத் திகழ்வார்கள்.குறள் 990:
சான்றவர் சான்றாண்மை குன்றின் இருநிலந்தான்கலைஞர் உரை:
தாங்காது மன்னோ பொறை.
சான்றோரின் நற்பண்பே குறையத்தொடங்கினால் அதனை இந்த உலகம் பொறுமையுடன் தாங்கிக் கொள்ளாது.
No comments:
Post a Comment